طرق الوقاية من السردة فى الدواجن

طرق الوقاية من السردة فى الدواجن

طرق الوقاية من السردة فى الدواجن
طرق الوقاية من السردة فى الدواجن

طرق الوقاية من السردة فى الدواجن كام مرة ربيت فراخ و فى كل مرة تلاقى عدد من الفراخ السردة كتير جدا فى العنبر دة  اللى بتسبب ليك عقدة من تربية الفراخ مش نفسك تخلص من السردة فى عنبرك و اكيد لما نزلت فى السوق او تاجر جالك علشان يشترى منك الفراخ دى اكيد التاجر قالك انا هاخد الفراخ دى تلت و تلتين او

يقولك انا هشيل العنبر كلة بسعر اقل من سعر البورصة و الحاجات دى بتسبب ليك فى خسائر كبيرة بتخليك تخرج من منظومة تربية الدواجن بسرعة جدا حتى من غير ما تكسب جنية واحد بس لا انت دخلت ضعيت وقت و فلوس و مجهود منك على الفاضى وانت عليك باية كل دة انت اللى عليك انك تمشى على خطوات التربية بطرقها الصح علشان تقدر تكسب فى المجال دة بدل ما التاجر يتشرط عليك فى سعر البورصة و ينزل بالسعر الارض لا انا عندى فراخ سوبر الكل يشريها بالسعر العادل للفراخ

اسباب ظهور السردة هما 3 اسباب اساسية  ؟

*الكتكوت مش بالمواصفات القياسية
* اصابة الكتكوت بالامراض
* مشاكل فى التربية و الرعاية

طرق الوقاية من السردة فى الدواجن ؟

-اختيار كتكوت بمواصفات جيدة فى الوزن ( متوسط 42 جرام- عالى فى الحيوية و الانتباة  – خالى من التشوهات -)  لانة اساس اللى هتشتغل عليها ( اساس الشغل )و خالى من الامراض اللى بتنتقل عن طريق الام ( امراض زى الريو فيرس ) و بلاش التكتكوت البايت تعرض الكتاكيت للبرد او حرارة عالية اثناء النقل من المعمل للمزرعة

– اهم حاجة انى احافط على درجة حرارة متجانسة فى العنبر لانها من اكتر العوامل اللى بتاثر بشكل كبير جدا فى الوزن و تعرض الفراخ للبرد (قرصة برد) هتكون سبب فى ظهور السردة فى الدواجن بشكل كبير جدا فى عنبرك علشان حافظ على الفراخ من البرد وخصوصا فى فترة الليل

– الاهتمام بتحصين الدواجن ضد الامراض الفيروسية لان الاصابة بالامراض الفيروسية سبب فى انخفاض معدل الوزن و ظهور السردة فى الدواجن فى العنبر و كمان غير النافق اللى هتسبب فية الفيروسات

– التهوية عامل مهم بيساعد بشكل كبير جدا فى التحويل و تجنب التيارات الهوائية المباشرة على الدواجن و عدم تعريض الدواجن للاجهاد فى فصل الصيف الجهاز التنفسى خط الدفاع الاول ضد الامراض حيث ذلك الدف للوقاية السردة فى الدواجن

– تجديد الفرشة المبللة باستمرار لان الفرشة المبللة بتساعد و بشكل كبير جدا فى ظهور الامراض المعوية اللى بتقلل من الوزن بشكل كبير جدا

– توفير كمية مناسبة من المعالف و المساقى و كمان تكون متوزعة فى العنبر بشكل مثالى يسمح للكل انة ياكل و يشرب بدون تنافس بين الفراخ على العلف و المياة و الكتكوت ياكل و يشرب براحتة ارتفاع فى مستوى العلافات او المساقى او انخفاض فى مستواها عن مستوى ظهر الفراخ

– تطبيق برنامج اظلام و اضاءة للكتاكيت بعد الاسبوع الاول لانة سبب فى ارتفاع نسبة كفاءة التغذية و التحويل و بياثر كمان على المناعة و بيساعد فى تقليل بعض مشاكل التربية

– توفير الاعلاف خالية من السموم الفطرية و متوازنة فى محتواها من البروتين و الطاقة و الفيتامينات و الاملاح المعدنية و ذلك للوقاية من السردة فى الدواجن

– المتابعة الدورية لكمية الاعلاف و المياة و الوزن و عمل زيارة من الطبيب البيطرى فى حالة وجود خلل فى نقص كمية الاعلاف او المياة

– الحفاظ على الجهاز الهضمى فى الدواجن من الامراض التى تسبب فى نقص الوزن ( الكلوستريديا- الكوكسيديا ) و ذلك بزيادة الميكروفلورا فى امعاء الواجن باضافة ( البروبيوتيك- البربيبوتيك- الاحماض العضوية و الانزيمات ) اللى هتساعد معاك فى التحويل و كمان هتقلل معاك فرص الاصابة بالامراض

-استخدام كورس من المضادات الحيوية للوقاية من الامراض اللى بتصيب الدواجن تحت اشرف الدكتور البيطرى لتجنب الاستخدام الخاطئ للمضادات الحيوية للوقاية من السردة فى الدواجن

– توفير المساحة المناسبة بالنسبة لعدد الدواجن ( تقليل الازدحام فى العنبر) فى محاولة للمحافظة على الدواجن من مخاطر الازحام ومشاكل الازدحام فى العنبر زى مشاكل الافتراس و النهش فى الدواجن او صغر فى عضلة القلب كمان تاثيرة السلبى على معامل التحويل بسبب انخفاض معدل استهلاك الاعلاف
تطبيق برنامج صارم ضد الميكوبلازما بالاضافة الى تكرار جرعة الميكوبلازما كل 14 للوقاية من الاصابة بالميكوبلازما

– تطبيق برنامج الامن الحيوي بشكل صارم للوقاية من انتقال الامراض الى داخل المزرعة للوقاية من السردة فى الدواجن

– تطبيق برنامج للوقاية من السموم الفطرية فى الاعلاف او المياة و اضافة منشطات للكبد و غسيل كلوى للمحافظة على نشاط كلا من الكبد و الكلى فى حالة حيوية للمحافظة على استمرار عملية التحويل فى الدواجن بشكل كويس

– من المهم توفير مياة صالحة للشرب حيث المياة الغير الصالحة للشرب يتسبب فى ظهور مشاكل كثيرة فى الانتاج و ظهور السردة فى الدواجن فى العنبر بكثرة حيث تتمثل مشاكل المياة فى الاملاح او الميكروبات او ترسيب الاملاح و المبكروبات فى الخطوط المياة الملوثة

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى